Ռոհանին կարևորել է Իրան-Ղազախստան համագործակցության ընդլայնումը
«Ղազախստանը իսլամական կարևոր երկիր է Կենտրոնական Ասիայում և Իրանի համար լավ հարևան` Կասպից ծովում»,ասել է ԻԻՀ նախագահը:
Դեկտեմբերի 22-ին Աստանայում Իրանի և Ղազախստանի ղեկավարները ստորագրել են համագործակցության հինգ փաստաթուղթ,որից հետո ԻԻՀ նախագահ՝ Հասան Ռոհանին լրագրողների հետ ճեպազրույցի ժամանակ ասել է.«Որպես Ասիա տարածաշրջանի երկու իսլամական կարևոր երկրներ ՝ Իրանի և Ղազախստանի սերտ հարաբերությունները և համատեղ գործունեությունը բխում են երկու երկրի և տարածաշրջանի շահերից»:
Նշելով ,որ Իրաքի ու Սիրիայի ժողովուրդների վիճակը մտահոգիչ է, Իրանի նախագահն ասել է.«Իսլամական աշխարհի երկրները պետք է նպաստեն այս խնդիրների կարգավորմանը և տարածաշրջանում կայունության ու անվտանգության վերականգնմանը »:
«Տարածաշրջանային գործունեության շրջանակում Իրանն իր պատրաստակամությունն է հայտնել Շանհայի համագործակցության կազմակերպությանը անդամակցելու համար»,նշել է նախագահ Ռոհանին:
Ղազախստանի նախագահ՝ Նուր Սուլթան Նազարբաևն ասել է.-«Երկաթգծի կառուցումը և տարանցիկ հարաբերությունները կարող են նպաստել Իրան-Ղազախստան հարաբերությունների ընդլայնմանը և հանդիսանալ կարևոր գործոն տարածաշրջանային համագործակցության համար»:
ԻԻՀ նախագահ՝ Հասան Ռոհանին չորեքշաբթի օրը Հայաստան կատարած այցն ավարտելուց հետո, ուղևորվեց Ղազախստան:
