Թուրքիայի սահմանադրական բարեփոխումների ընդդիմադիրները հանրահավաք կազմակերպեցին
Թուրքիայի նախագահի լիազորությունների ընդլայնման նպատակով կառավարության կողմից իրականացվող Սահմանադրական բարեփոխումների հարյուրավոր ընդդիմադիրներ հանրահավաք են կազմակերպել այդ երկրի խորհրդարանի շենքի դիմաց:
«Ռոյտերզ»-ի հաղորդման համաձայն, Թուրքիայի Ժողովրդա-հանրապետական ընդդիմադիր կուսակցությունը և մի քանի հասարակական կազմակերպություններ ու փաստաբանական պալատներ, երկուշաբթի օրը կազմակերպված հանրահավաքին մասնակցելու կոչ էին հրապարակել:
Բողոքարարներից շատերը ոստիկանության ուժերի ճնշման ներքո նահանջել են դեպի Թուրքիայի խորհրդարանի մուտքի գլխավոր դարպասները տանող գլխավոր ճանապարհից: Ոստիկանությունը նրանց ցրելու համար օգտվել է արցունքաբեր գազերից ու ջրցան սարքերից:
Թուրքիայի խորհրդարանը քննարկելու է իշխանական համակարգը հանրապետականի փոխելու նպատակով այդ երկրի Սահմանադրության բարեփոխումները:
Նկատի առնելով Թուրքիայի խորհրդարանում «Արդարություն և զարգացում» կուսակցության մեծամասնություն լինելն ակնկալվում է, որ այս բարեփոխումների նախագիծը վավերացվի խորհրդարանում, որից հետո հանրաքվեի պիտի դրվի:
Թուրքիայի սահմանադրական բարեփոխումների արդյունքում վարչապետի լիազորությունների խոշոր բաժինը փոխանցվում է նախագահին:
Այս բարեփոխումները գործադրվելով Թուրքիայի նախագահ Ռեջեբ Թայիբ Էրդողանը դառնալու է այդ երկրի գործադիր թիվ մեկ պաշտոնատարը:
