Իրանի պատվիրակությունը ժամանել է Ղազախստան
ԻԻՀ ԱԳ նախարարության արաբա-աֆրիկյան հարցերով տեղակալի գլխավորած ԻԻՀ պատվիրակությունը, Սիրիայի ճգնաժամի հարցով Աստանայի նստաշրջանին մասնակցելու նպատակով, շաբաթ օրը ժամանել է Ղազախստանի մայրաքաղաք:
ԻՌՆԱ-ի հաղորդման համաձայն, Իրանի ԱԳ նախարարության արաբա-աֆրիկյան հարցերով տեղակալ Հոսեյն Ջաբերի Անսարին գլխավորում է իրանական պատվիրակությունը:
Իրանական պատվիրակությունը Աստանայում մասնակցելու է Ռուսաստանի և Թուրքիայի պատվիրակությունների հետ բանակցություններին:
Հոսեյն Ջաբերի Անսարին չորեքշաբթի օրը Ռուսաստանի ԱԳ փոխնախարար Միխայիլ Բոգդանովի հետ հեռախոսազրույցում ընդգծել է ահաբեկչության դեմ պայքարի, Սիրիայի ճգնաժամի քաղաքական լուծման և այդ երկրում կայունությանը սատարելու կապակցությամբ երկու երկրի վճռականությունը:
Աստանայի նստաշրջանը հունվարի 23-ին և 24-ին կգումարվի Ղազախստանում` Ռուսաստանի, Իրանի ու Թուրքիայի մասնակցությամբ :
Նստաշրջանի նպատակն է հրադադարի ամրապնդումը, ահաբեկչության դեմ արդյունավետ պայքարը և Սիրիայի կառավարության ու ընդդիմության միջև երկխոսության հաստատումը:
