Էրդողանը տեսախցիկների առաջ ընդհատել է Մերկելին. վերջինիս պատասխանը չի ուշացել
Թուրքիայում Գերմանիայի կանցլեր Անգելա Մերկելի ու նախագահ Ռեջեփ Թայիփ Էրդողանի համատեղ մամուլի ասուլիսի ժամանակ ուշագրավ միջադեպ է գրանցվել։
Թուրքական CNNturk–ի փոխանցմամբ՝ Անկարայում Թուրքիայի նախագահական պալատում մամուլի ասուլիսի ժամանակ Անգելա Մերկելն իր խոսքում օգտագործել է «իսլամիստական ահաբեկչություն» տերմինը, ինչը դուր չի եկել Էրդողանին։
Թուրքիայի նախագահը միջամտել է Մերկելին՝ ասելով. «Ես ուզում եմ մի պարզաբանում անեմ, քանի որ մեր ժողովուրդը տխրում է, երբ օգտագործվում է «իսլամիստական ահաբեկչություն» տերմինը։ Քանի որ ահաբեկչությունն ու իսլամը չեն կարող իրար հետ կապ ունենալ։ Խնդրում եմ այդ արտահայտությունը չօգտագործենք»։
Մերկելը պատասխանել է Էրդողանին. «Կրոնական ազատությունն ինձ համար շատ կարեւոր է ու ժողովորդավարության մի մասնիկն է։ Մենք ամեն ինչ անում ենք, որ Գերմանիայում մուսուլմանները ազատորեն դավանեն իրենց կրոնը։ Բայց «իսլամիստականի» ու «իսլամականի» միջեւ տարբերություն կա։
News.am
