Հանդիպել են ԻԻՀ պաշտպանության նախարարի տեղակալն ու Իրաքի պաշտպանության նախարարը
ԻԻՀ պաշտպանության և զինված ուժերի աջակցման նախարարի տեղակալն ու Իրաքի պաշտպանության նախարարն ընդգծել են երկու երկրի պաշտպանական հարաբերությունների խորացման անհրաժեշտությունը:
Իրանի պաշտպանության նախարարի տեղակալ Ղասեմ Թաղիզադեն երեքշաբթի օրը Բաղդադում հանդիպում է ունեցել Իրաքի պաշտպանության նախարար Մահմուդ Էրֆան Ալ-Հիալիի հետ:
Հանդիպման ժամանակ Իրանի պաշտպանության նախարարի տեղակալը Իրաքի ժողովրդին ու կառավարությանը շնորհավորել է ԻԼԻՊ ահաբեկչական խմբի դեմ պատերազմում իրաքյան ուժերի արձանագրած վերջին հաղթանակների կապակցությամբ:
ԻԻՀ-ն Իրաքի կառավարության խնդրանքով ահաբեկչության դեմ պատերազմում խորհրդատվական օժանդակություն է ցուցաբերում: Ահաբեկչության դեմ պատերազմում Իրաքի հետ Իրանի համագործակցությունը պատճառ է դարձել, որ ահաբեկիչները պարտության մատնվեն:
Իրաքյան համատեղ ուժերն այս պահին Մոսուլի արևմուտքում պատերազմում են ԻԼԻՊ ահաբեկչական խմբի դեմ, իսկ ԱՄՆ-ն փորձում է փրկել Մոսուլում նեղ դրության մեջ հայտնված ԻԼԻՊ-ի պարագլուխներին:
