Աֆղանստանում գրոհայինները հարձակվել են պետական հեռուստաալիքի շենքի վրա

Աֆղանստանում գրոհայինները հարձակվել են Ջալալաբադ քաղաքի պետական հեռուստաալիքի շենքի վրա և փոխհրաձգության բռնվել անվտանգության ուժերի հետ, հայտնում է Reuters գործակալությունը:

Ինչպես հայտնել է Նանգարհարի նահանգապետ Աթաուլա Կուղյանին՝ շենք է մտել չորս գրոհային: «Ովքեր են նրանք և որն է նրանց թիրախը՝ դեռ հայտնի չէ»,- ասել է նա:

Նահանգապետի խոսքով՝ հարձակվողներից երկուսը պայթեցրել են իրենց, իսկ մյուս երկուսը դեռ դիմադրում են:

Հաղորդվում է, որ զոհվել է առնվազն երկու քաղաքացիական անձ, վիրավորվել՝ 14-ը:

Tert.am