Քաբուլում հզոր պայթյուն է որոտացել. զոհեր կան

Աֆղանստանի մայրաքաղաք Քաբուլում որոտացած պայթյունի հետեւանքով տասը մարդ է զոհվել, ավելի քան 100 վիրավոր կա: Այս մասին գրում է ՌԻԱ Նովոստին:

Հզոր պայթյունը տեղի է ունեցել Քաբուլում նախագահական պալատից եւ օտարերկրյա դեսպանատներից ոչ հեռու: Բազմաթիվ շենքեր են վնասվել:

Reuters-ը, վկայակոչելով ոստիկանության ներկայացուցչին, հաղորդում է, պայթյունը որոտացել է Գերմանիայի դեսպանատան մոտ. ականապատ ավտոմեքենա է պայթել: Վնասվել է նաեւ Քաբուլում Սինհուա գործակալության խմբագրության շենքը:

News.am