Աֆրին քաղաքը հավանաբար Սիրիայի բանակին է հանձնվելու
Սիրիայի քրդական «Ժողովրդավարական միություն» կուսակցությունը թուրքիայի կառավարությանը սպառնացել է, որ Սիրիայում իր ռազմական միջամտությունները չդադարեցնելու դեպքում, Հալեպի հյուսիսային Աֆրին քաղաքը հանձնելու են Սիրիայի բանակին:
Ըստ «Ալ-Ղոդս Ալ-Արաբի» օրաթերթի հաղորդման՝ կուսակցության ղեկավար Սալեհ Մոսլեմն ասել է.«Եթե Ռուսաստանը և ԱՄՆ-ը չօգնեն Աֆրինի վրա Թուրքիայի հարձակումները դադարեցնել, երկրի տարածքների գրավումը կանխելու նպատակով, ինչպես տեղի ունեցավ Մենբիջի դեպքում, քաղաքը հանձնվելու է բանակային ուժերին»:
Ընդդիմադիր գրող՝ Սամեր Ալ-խալիվին նշել է.«Սիրիայում գործող քրդական «Ժողովրդավարական միություն» կուսակցությունը Մենբիջ քաղաքը հանձնեց բանակային ուժերին, երբ Թուրքիան և Սիրիայի ազատ բանակի ուժերը մոտենում էին քաղաքին»:
Քրդերի ազգային խորհրդի նախագահ Էբրահիմ Բերոն ավելի վաղ տեղեկացրել էր Թուրքիայի ռազմական օպերացիան չեզոքացնելու նպատակով, բանակային ուժերին Հալեպի հյուսիսային Աֆրին քաղաքը հանձնելու կապակցությամբ քրդական «Ժողովրդավարական միություն» կուսակցություն և Սիրիայի կառավարության միջև գաղտնի բանակցությունների անցկացման մասին:
