Էրդողանը Ստամբուլում հանդիպել է ԱՄՆ պետքարտուղարի հետ

Թուրքիայի նախագահ Ռեջեփ Թայիփ Էրդողանը Ստամբուլում հանդիպում է անցկացրել ԱՄՆ պետքարտուղար Ռեքս Թիլերսոնի հետ, հայտնում է թուրքական «Միլլիյեթ» պարբերականը։

Հայտնի է, որ կողմերը քննարկել են սիրիական հակամարտությունը, քաթարյան ճգնաժամն ու տարածաշրջանային այլ հարցեր։
Նշենք, որ Թիլերսոնը Ստամբուլում է գտնվում 22-րդ Նավթային միջազգային կոնգրեսին մասնակցության շրջանակում։ 
Պարբերականն ընդգծում է, որ 1 ժամ 40 րոպե տևած հանդիպումն իրականացվել է փակ դռների ետևում և հասանելի չի եղել լրագրողներին։ Ավելին՝ հանդիպումից հետո էլ Էրդողանն ու Թիլերսոնը մամուլի ասուլիսով հանդես չեն եկել։

Tert.am