ԻԼԻՊ-ի անդամ. «Թուրքիան երաշխավորել էր ահաբեկիչների մուտքը Սիրիա»
ԻԼԻՊ-ի ձերբակալված անդամներից մեկը բացահայտելով այդ խմբի անդամների Սիրիայի տարածք փոխադրվելու ուղղությամբ Թուրքիայի դերակատարությունն ասել է. «Անկարայի իշխանությունները երաշխավորել էին զինված անձանց մուտքը Սիրիայի տարածք»:
«Ալ-Ալամ» կայքի հաղորդման համաձայն՝ Սիրիայի քրդերի միջոցով ձերբակալված թունիսցի այդ ահաբեկիչն ասել է. «Ստամբուլի օդանավակայանում որոշ անհատներ Սիրիա մուտք գործելու համար առաջնորդում են ահաբեկիչներին»:
«Հիշյալ անհատները օդանավակայանի կամ ցամաքային սահմանների միջոցով Թուրքիայից Սիրիա են անցնում»․ հայտարարել է այդ ահաբեկիչը:
Սիրիայում պատերազմ սկսվելուց և այդ երկրում ահաբեկչական խմբերի՝ այդ թվում ԻԼԻՊ-ի գործունեությունը սկսվելուց ի վեր Անկարայի իշխանությունները բազմաթիվ անգամներ մեղադրվել են այդ խմբերի անդամներին Թուրքիայի տարածքով Սիրիա փոխադրելու հարցում:
Թուրքիան նաև մեղադրվում է ԻԼԻՊ-ին պաշտպանելու նպատակով՝ Սիրիա զենք փոխադրելու մեջ:
Անցած տարի Սիրիայի ազգային հաշտության ռուսական կենտրոնը Սիրիայի Լաթաքիա նահանգում գտնվող «Համիմեմ» ռազմաբազայում հայտարարել է, որ հայտնաբերել է Թուրքիայից ԻԼԻՊ-ի ահաբեկիչների համար փոխադրվող զենքի բեռնվածքը:
Թուրքիայի «Ջոմհուրիեթ» օրաթերթն էլ 2015 թվականի մայիսին հաղորդել է Թուրքիայից Սիրիա զենքի փոխադրման մասին:
