Հրապարակվել են Իսրայելի հետ սաուդյան վարչակազմի համագործակցության մասին գաղտնի փաստաթղթեր
Կատարի «Ալ-Շարղ» օրաթերթը փաստաթղթեր է հրապարակել՝ Սիոնիստական ռեժիմի հետ սաուդյան վարչակազմի գաղտնի համագործակցության մասին: Այդ փաստաթղթերը վկայում են այն մասին, որ 1966 թ. Ռիադը Թել Ավիվից պահանջել է բռնազավթել Եգիպտոսի Սինա թերակղզին:
Կատարի «Ալ-Շարղ» օրաթերթը, հրապարակելով Սաուդյան Արաբիայի արտգործնախարարության գաղտնի փաստաթղթերը, բացահայտել է արաբ ժողովուրդների, հատկապես պաղեստինցիների դեմ այդ երկրի դավադրության նոր կողմերը: Օրաթերթը մի հոդվածում գրել է, որ 1966թ. դեկտեմբերի 27-ին, Ռիադը Սիոնիստական ռեժիմից պահանջել է բռնազավթել Եգիպտոսի Սինա թերակղզին: Ռիադը այդ ռեժիմի հիմքերը ամրացնելով, նաև առաջարկել է գրոհել Սիրիայի վրա և անջատել այդ երկրի մի մասը:
Հաղորդման համաձայն, Սաուդյան Արաբիան Սիոնիստական ռեժիմից պահանջել է վերահսկողության տակ առնել Գազան և Հորդանան գետի արևմտյան ափը, որպեսզի այդպիսով կանխվեն պաղեստինցիների տեղաշարժերը և Պաղեստինն ազատագրելու արաբական երկրների փորձը:
Ռիադն այդ պահանջով ցանկացել է պաղեստինցիներին զրկել հայրենիք վերադառնալու իրավունքից:
Փաստաթղթերի համաձայն, Սիոնիստական ռեժիմի հետ հարաբերությունների նորմալացման համար, Մոսադը գաղտնի տեղեկություններ է փոխանցել Սաուդյան Արաբիայի հետախուզական գործակալությանը և այդ օգնություններն ավելի մեծ թափ են ստացել 2012 թվականին:
