Ստամբուլում մեկնարկել է ԻՀԿ գագաթնաժողովը

Այսօր Ստամբուլում մեկնարկել է Իսլամական համագործակցության կազմակերպության գագաթնաժողովը, որին մասնակցում են անդամ պետությունների ԱԳ նախարարները:

Քննարկման օրակարգում Ղոդսի` Իսրայելի մայրաքաղաք հռչակման ԱՄՆ նախագահ Դոնալդ Թրամփի որոշումն է: ԱԳ նախարարների խորհրդի նիստից հետո տեղի կունենա նաեւ կազմակերպության անդամ երկրների ղեկավարների հանդիպում: Նշենք, որ դեկտեմբերի 5-ին ԱՄՆ նախագահի կողմից կայացված վերոնշյալ որոշումը ցնցել է Մերձավոր Արեւելքը եւ կրկին վտանգավոր իրադրություն ստեղծել արաբա-իսրայելական հակամարտությունում հաստատված փխրուն խաղաղության համար:

hraparak.am