Աֆրինում վիրավորվել է «Ալ-Քոսար» հեռուստակայանի թղթակիցը
Հունվար 31, 2018 13:47 Asia/Tehran
ԻԻՀ ռադիո-հեռուստատեսության կազմակերպության «Ալ-Քոսար» միջազգային հեռուստակայանի թղթակիցը վիրավորվել է Սիրիայի Աֆրինի տարածքում:
Համաձայն «Ալ-Ալամ»-ի չորեքշաբթի օրը կատարած հաղորդման, տեղական աղբյուրները հայտարարել են, որ Սոհայբ Ալ-Մեսրին Սիրիայի հյուսիսում գտնվող Աֆրինում վիրավորվել է Թուրքիայի զորայինների հրաձգության հետևանքով:
Թուրքիայի բանակը 2018 թվականի հունվարի 20-ից Սիրիայի հյուսիսային Աֆրինի տարածքում սկսել է «Ձիթենու ճյուղ» ռազմական գործողությունը:
Թուրքիան ավելի վաղ «Եփրատի վահան» անվամբ գործողություն էր իրականացրել Սիրիայի հյուսիսում:
Դամասկոսը բազմիցս քննադատել է Սիրիայի տարածքում Թուրքիայի զորայինների ներկայությունն ու իրականացրած գործողությունները:
Պիտակ
