Էրդողանն ու Սաուդյան Արաբիայի թագավորը քննարկել են սիրիական հիմնախնդիրը
Սաուդյան Արաբիայի թագավոր Սալման Բին Աբդուլ Ազիզ Ալ-Սաուդն ու Թուրքիայի նախագահ Ռեջեփ Թայիփ Էրդողանը հեռախոսով քննարկել են սիրիական հիմնախնդիրը, այս մասին գրում է «Սաբահ» պարբերականը:
Հայտնի է, որ կողմերն ընդգծել են տարածաշրջանային խնդիրներում երկու երկրների սերտ համագործակցության կարևորությունն ու պատրաստակամություն հայտնել շարունակել փոխգործակցությունը:
Սալման Բին Աբդուլ Ազիզ Ալ-Սաուդը հեռախոսային խոսակցության ընթացքում իր աջակցությունն է հայտնել սիրիական հիմնախնդրի հարցում ժնևյան բանակցային գործընթացին ու դրա ընթացքում ձեռք բերված պայմանավորվածություններին:
Նշվում է, որ Էրդողանը նաև մանրամասն տեղեկատվություն է հաղորդել Սաուդյան Արաբիայի թագավորին Սիրիայի Աֆրին շրջանում թուրքական ԶՈւ-ի կողմից շարունակվող «Ձիթենու ճյուղ» ռազմական գործողության ընթացքի մասին:
Tert.am
