Իրանի ԱԳ նախարարը հանդիպել է Քուվեյթի էմիրի հետ
Չորեքշաբթի օրը, Իրաքի վերակառուցման միջազգային կոնֆերանսի շրջանակում, տեղի է ունեցել Իրանի իսլամական հանրապետության ԱԳ նախարարի և Քուվեյթի էմիրի հանդիպումը:
Հանդիպման ժամանակ Իրանի ԱԳ նախարար Մոհամմեդ Ջավադ Զարիֆը և Քուվեյթի էմիր Ջաբեր Ալ Ահմադ Ալ Ջաբեր Ալ Սաբահը բանակցել են երկկողմ հարաբերությունների բարելավման մեխանիզմների և տարածաշրջանային հարցերի շուրջ:
Զարիֆը, ով Իրաքի վերակառուցման միջազգային կոնֆերանսին մասնակցելու նպատակով է այցելել Քուվեյթ, երեքշաբթի օրը հանդիպել ու բանակցել է այդ երկրի ԱԳ նախարար Սաբահ Ալ Խալեդ Ալ Ահմադ Ալ Սաբահի հետ:
Կոնֆերանսի շրջանակում, երեքշաբթի օրը տեղի է ունեցել նաև Զարիֆի և Եվրամիության արտաքին քաղաքականության հարցերով հանձնակատար Ֆեդերիկա Մոգերինիի հանդիպումը:
Իրաքի վերակառուցման միջազգային եռօրյա կոնֆերանսը մեկնարկել է փետրվարի 12-ին, ավելի քան 50 երկրների բանկային ակտիվիստների, գործարարների և քաղաքական պաշտոնյաների մասնակցությամբ:
