Լիբանանի ԱԳ նախարարը դիմավորել է ամերիկացի գործընկերոջը
Reuters լրատվական գործակալությունը հայտարարել է,որ Լիբանանի նախագահական պալատում ԱՄՆ պետքարտուղարի դիմավորման արարողությունը դիվանագիտական նորմերից դուրս է եղել:
ԻՌՆԱ գործակալության հաղորդմամբ, Reuters-ն անդրադառնալով Լիբանանի ԱԳ նախարար Ջեբրան Բասիլի կողմից ԱՄՆ Պետքարտուղար Ռեքս Թիլերսոնին դիմավորելու արարողությանը, գրել է. «ԱՄՆ Պետքարտուղարը մի քանի րոպե սպասել է նախագահական պալատում, որպեսզի այս երկրի ԱԳ նախարարը դիմավորի նրան»:
Շարունակելով իր տարածաշրջանային ուղևորությունը, Թիլերսոնն այսօր ժամանել է Բեյրութ, լիբանանցի պաշտոնատարների հետ հանդիպելու նպատակով:
Իր տարածաշրջանային ուղևորության ընթացքում, Թիլերսոնն այցելել է նաև Եգիպտոս, Հորդանան և Քուվեյթ: Նա պատրաստվում է Լիբանան կատարած կարճ այցից հետո մեկնել Թուրքիա:
Reuters-ը հավելել է.«Հեռուստաընկերությունները եթեր են տվել Լիբանանի նախագահական պալատում այդ երկրի ԱԳ նախարարին սպասող Թիլերսոնի պատկերները, որտեղ նա նստած սպասում էր, որպեսզի Բասիլը ներս մտնի ու դիմավորի նրան: Րոպեներ անց Լիբանանի ԱԳ նախարարը մտնում է դահլիճ ու դիմավորում իր ամերիկացի գործընկերոջը»:
Թիլերսոնը այնուհետև հանդիպել է Լիբանանի նախագահ Միշել Աունին:
Reuters-ը գրել է.«Լիբանանի ԱԳ նախարարը նույնիսկ չցանկացավ իր ամերիկացի գործընկերոջը դիմավորել նախագահական պալատի մուտքի մոտ»:
