Կատարը պահանջել է առկախել մարդու իրավունքների խորհրդում Արաբիայի և Էմիրությունների անդամակցությունը
Կատարի հետ արաբական երկրների հարաբերությունների սառեցումից մեկ տարի անց, Դոհան պահանջել է առկախել մարդու իրավունքների խորհրդում Արաբիայի և Էմիրությունների անդամակցությունը:
Կատարի «Ալ-Վաթան» օրաթերթի գրությամբ, Կատարի մարդու իրավունքների ազգային կոմիտեի նախագահ՝ Ալի Բին Սամիխ Ալ-Մերին ՄԱԿ-ի Ժնևյան նստավայրում գումարված նիստում, ՄԱԿ-ի մարդու իրավունքների խորհրդից պահանջել է քայլեր անել Կատարին շրջափակող երկրների դեմ, քննարկել այդ կապակցությամբ մարդու իրավունքների գերագույն կոմիսարիայի հաղորդագրությունները և առկախել մարդու իրավունքների խորհրդում Արաբիայի և Էմիրությունների անդամակցությունը:
Բին Սամիխ Ալ-Մերիի խոսքերով, Կատարն այդ պահանջը ներկայացրել է հաշվի առնելով մարդու իրավունքների խորհրդի կազմավորման մասին ՄԱԿ-ի գլխավոր ասամբլեայի բանաձևի հիմունքով Արաբիայի և Էմիրությունների կողմից Կատարի ժողովրդի իրավունքների ոտնահարման փաստը:
