Եվրամիությունը դատապարտել է սիոնիստական ավանների ընդլայնման նախագիծը
Եվրամիությունը դատապարտել է պաղեստինցիների տարածքներում սիոնիստաբնակ ավաններն ընդլայնելու Սիոնիստական ռեժիմի կաբինետի որոշումը: Այս մասին հաղորդում է ՖԱՐՍ լրատվական գործակալությունը:
Եվրամիությունը օգոստոսի 23-ի երեկոյան հրապարակել է մի հաղորդագրություն, որում խիստ դեմ է հանդես եկել Իսրայելի ռեժիմի քաղաքատիպ ավանների կառուցման քաղաքականությանը, այն համարելով անօրինական, որը հակասում է միջազգային իրավունքին և խոչընդոտում է խաղաղության հասնելու փորձերին:
Հաղորդագրության մեջ Եվրամիությունը երկու կողմերի օրինական իդեալների իրականացման միակ իրատեսական ուղին համարում է իսրայելական ու պաղեստինյան կողմերի և համաշխարհային ու տարածաշրջանային գործընկերների համագործակցությունը:
Հինգշաբթի օրը Հորդանան գետի արևմտյան ափին սիոնիստաբնակ ավանների ընդլայնման մասին որոշումը վավերացվելուց հետո, Սիոնիստական ռեժիմի կաբինետում շինարարության ու ծրագրավորման կոմիտեն հաստատել է այդ տարածաշրջանում 1000 նոր բնակելի միավորների կառուցումը:
