Ռուս պաշտոնյա.«Ռուսաստանը չի ցանկանում պատերազմել Ուկրաինայի դեմ»
ՌԴ Սենատի միջազգային գործերով կոմիտեի նախագահն ընդգծել է.«Մոսկվան ոչ մի պատերազմ չի նախատեսել Ուկրաինայի հետ հարաբերությունների հեռանկարում»:
Ինտերֆաքս լրատվական գործակալության փոխանցմամբ՝ արձագանքելով Ուկրաինայի նախագահ Պյոտր Պորոշենկոյի այն հայտարարությանը, որի համաձայն՝ Ուկրաինային սպառնում է իրական մեծամասշտաբ պատերազմ, ՌԴ Սենատի միջազգային գործերով կոմիտեի նախագահ Կոնստանտին Կոսաչևն ասել է. «Ուկրաինայի նախագահ Պյոտր Պորոշենկոն այդ երկիրը պատրաստում է Ռուսաստանի դեմ պատերազմի համար, մինչդեռ մեր երկիրը բոլորովին նման մտադրություն չունի և չի պատրաստվում ապագայում ևս այս հարևան երկրի հետ հարաբերությունները ներքաշել ռազմական բախումների մեջ»:
Կոսաչևն Պորոշենկոյին անվանել է պատերազմի նախագահ, ով ռազմական հեղաշրջման արդյունքում իշխանության եկավ:
Ուկրաինայի նախագահ Պյոտր Պորոշենկոն երեքշաբթի երեկոյան հայտարարել է, որ երկրին սպառնում է իրական մեծամասշտաբ պատերազմ Ռուսաստանի հետ: «Երկիրը գտնվում է ՌԴ-ի հետ մասշտաբային պատերազմի վտանգի տակ», - պնդել է Պորոշենկոն:
