Թուրք պաշտոնյա. Անկարայի ու Թեհրանի հարաբերություններում նոր էջ է բացվում
Թուրքիայի առևտրի նախարարը հայտարարել է, որ տնտեսական ու առևտրական բնագավառներում ԻԻՀ-ի հետ այդ երկրի հարաբերություններում նոր էջ է բացվում:
Համաձայն «Անադոլու» լրատվական գործակալության հաղորդման, Թուրքիայի առևտրի նախարար Ռուհսար Փեքջանը, հինգշաբթի օրը Իրանի ու Թուրքիայի նախագահների ներկայությամբ գումարված երկու երկրի հարաբերությունների ռազմավարական խորհրդի 5-րդ նստաշրջանում ասել է. «Երկու երկրների միջև առևտրական ու տնտեսական հարաբերություններն այսուհետ առավել լայն ծավալ են ստանալու»:
Թուրքիայի առևտրի նախարարը նշել է, որ ծանր պահերին Իրանն ու Թուրքիան միշտ էլ աջակցել են միմյանց: Նրա խոսքերով. «Այս կողմնորոշումը բարդ մարտահրավերները թիկունքում թողնելու և դրանք մեծ հաջողությունների վերածելու ուղղությամբ ուշագրավ ազդեցություն է ունեցել»:
«Թեհրանի դեմ ԱՄՆ-ի պատժամիջոցներով հանդերձ, Թուրքիայի առևտրական ընկերությունները վճռակամ են շարունակել Իրանում իրենց գործունեությունն ու ներդրումները»,-հայտարարել է Թուրքիայի առևտրի նախարար Ռուհսար Փեքջանը:
