Բողոքի ակցիաները շարունակելու ենք. «Դեղին բաճկոնավորներ»
Ֆրանսիայում «դեղին բաճկոնավորներ» շարժման ներկայացուցիչները տեղեկացրել են բողոքի ակցիաները 2019 թվականին շարունակելու մասին:
Համաձայն «Ֆրանս Պրես»-ի հաղորդման, «Դեղին բաճկոնավորներ» շարժման խոսնակներից Լաթիշա Դուալն ասել է. «Բողոքի երթերի 7-րդ շրջանը վաղը տեղի կունենա Ֆրանսիայի տարբեր քաղաքներում և կշարունակվի նաև առաջիկա շաբաթների ընթացքում»:
«Դեղին բաճկոնավորներ»-ի ներկայացուցիչներից Բենջամին Քաչին հայտարարել է. «Եթե կառավարությունը պատրաստ չլինի զիջումների գնալ և ընդունել բողոքարարների պահանջները, շարժումն առաջիկա քանի շաբաթներում կվերածվի համընդհանուր ընդվզման»:
Փարիզի և Ֆրանսիայի այլ քաղաքների փողոցները վերջին շաբաթների ընթացքում ոստիկանության ուժերի և բողոքարարների միջև բախումների ականատես են եղել:
Անհանդարտությունները նոյեմբերի 17-ից սկիզբ առան Մակրոնի կառավարության տնտեսական քաղաքականությունների դեմ ի նշան բողոքի և տարածվեցին եվրոպական այլ երկրներում, այդ թվում Գերմանիայում, Նիդերլանդներում ու Բելգիայում:
Ֆրանսիայում ոստիկանության ուժերի բռնարարքների հետևանքով մինչ այսօր զոհվել է 10 մարդ և հարյուրավոր ուրիշներ վիրավորվել ու բերման են ենթարկվել:
