Մակրոնի նստավայրը «Դեղին բաճկոնավորներ»-ի պաշարման մեջ
«Դեղին բաճկոնավորներ»-ը, շարունակելով իրենց բողոքի ակցիաները, պաշարել են Ֆրանսիայի նախագահի նստավայրը:
Համաձայն «Ֆրանս Պրես»-ի հաղորդման, այն պայմաններում, երբ Ֆրանսիայի նախագահ Էմանուել Մակրոնը տարեվերջյան արձակուրդներն է անցկացնում, «Դեղին բաճկոնավորներ»-ի շարժման հովանավորներն ուրբաթ օրը պաշարել են նրա նստավայրը:
Ֆրանսիայի անվտանգության ուժերը թույլ չեն տվել, որ բողոքարարները մտնեն Ֆրանսիայի նախագահի նստավայրը:
«Դեղին բաճկոնավորներ» շարժման ակտիվիստները տեղեկացրել են շաբաթական ցույցերը շարունակելու որոշման մասին:
Այսպիսով կարելի է ենթադրել, որ այսօր, Փարիզն ու Ֆրանսիայի այլ քաղաքներ բողոքների 7-րդ շաբաթվա ականատեսն են լինելու:
Անհանդարտությունները նոյեմբերի 17-ից սկիզբ առան Մակրոնի կառավարության տնտեսական քաղաքականությունների դեմ ի նշան բողոքի և տարածվեցին եվրոպական այլ երկրներում, այդ թվում՝ Գերմանիայում, Նիդերլանդներում ու Բելգիայում:
Ֆրանսիայում ոստիկանության ուժերի բռնարարքների հետևանքով, մինչ այսօր զոհվել է 10 մարդ և հարյուրավոր ուրիշներ վիրավորվել ու բերման են ենթարկվել:
