Ռուսաստանի հետ Ուկրաինայի համագործակցության տասնյակ պայմանագրեր չեղյալ են հայտարարվելու
Ուկրաինայի արտաքին գործերի նախարարը տեղեկացրել է,որ Ռուսաստանի հետ համագործակցության շատ պայմանագրեր վերանայվելու կամ չեղարկվելու են:
Ուկրաինայի արտաքին գործերի նախարար Պավել Կլիմկինն ասել է.«Ռուսաստանի հետ համագործակցության մասին կնքված տասնյակ պայմանագրերի ու համաձայնագրերի չեղարկումը ներառված է այդ երկրի կառավարության աշխատանքային օրակարգում և այս քաղաքականությունը կշարունակվի 2019 թվականին»:
Ուկրաինայի կառավարությունը 2014 թվականից ի վեր Ռուսաստանի հետ համագործակցության 49 պայմանագիր է չեղարկել:
Նշելով,որ Մոսկվա-Կիև հարաբերությունները հասել են ցածրագույն մակարդակի, Կլիմկինը հավելել է.«Ուկրաինան այլևս չի վերադառնա նախկին պայմաններին,քանի որ շատ է հեռացել Ռուսաստանից»:
Ուկրաինայի և Ռուսաստանի միջև լարվածությունն սրվեց այն բանից հետո, երբ 2018 թվականի նոյեմբերին ուկրաինական երեք նավեր անցնելով Կերչի նեղուցից մտան Ղրիմի թերակղզում Ռուսաստանի ջրային տարածքը:Ինչին խիստ արձագանքեցին ռուսները և կալանքի տակ առան այդ նավերը:
Ռուսաստան-Ուկրաինա հարաբերությունները 2014 թվականից ի վեր մթագնել են Կիևում ժամանակի կառավարության դեմ արևմտամետների իրականացրած հեղաշրջման հետևանքով:
