Լոնդոնում ձերբակալվել են ավելի քան 100 բնապահպան ակտիվիստներ
Լոնդոնում իրականացված բնապահպան ակտիվիստների ցույցի արդյուքնում, ավելի քան 100 ակտիվիստ ձերբակալվել է, կալանավորների թիվը հասցնելով 682-ի:
Ուրբաթ օրը Լոնդոնում տեղի ունեցած բնապահպան ակտիվիստների հանրահավաքի հինգերորդ օրը, ցուցարարները փակել են մի քանի փողոցներ: Այս մասին հաղորդել է Guardian օրաթերթը:
Բնապահպան ակտիվիստները նավակով արգելափակել են Լոնդոնի Օքսֆորդի հրապարակը: Ցուցարարների թվի աճի հետևանքով, ոստիկանությունը հայտնվել է անելանելի վիճակում և նավակը ժամերով մնացել է հրապարակում:
Ցուցարարները հայտարարել են, որ ուղղվելու են դեպի Լոնդոնի Հիթրոու օդանավակայանը, եւ փորձելու են արգելափակել օդանավակայանի գործունեությունը՝ երկաթե ցանկապատերը ստեղծելով:
Բնապահպան ակտիվիստների ցույցերը մեկնարկել են ապրիլի 15-ին՝ ի նշան բողոքի քաղաքական գործիչների կողմից գլոբալ տաքացման հարցի անտեսման դեմ:
Խոշոր արդյունաբերական երկրները, ներառյալ՝ Միացյալ Նահանգները եւ Բրիտանիան, արտադրում են աղտոտիչների ամենամեծ քանակությունը:
