Աֆղանստանի նախագահը խոստացել է «թաղել ԻՊ-ին»
Հունվար 25, 2016 10:21 Asia/Tehran
Աֆղանստանի նախագահ Աշրաֆ Գանին «Բի Բի Սի»-ի հետ հարցազրույցում խոստացել է թաղել «Իսլամական պետություն» ահաբեկչական խմբավորմանը և հայտարարել, որ ԻՊ զինյալների կողմից իրականացված վայրագություններն իրենցից հեռացրել է աֆղան ժողովրդին:
korrespondent.net-ի փոխանցմամբ` Ա. Գանին նշել է, որ աֆղանցիներին արդեն հուզում է միայն վրեժը. «ԻՊ զինյալները կոնֆլիկտի մեջ են մտել ոչ ճիշտ մարդկանց հետ»:
Բացի այդ, աֆղան առաջնորդը նախազգուշացրել է, որ եթե ապրիլին չսկսվեն խաղաղ բանակցությունները թալիբներիների հետ, ապա երկրում կոնֆլիկտը կուժեղանա, իսկ դրա հետևանքները կզգացվեն ամբողջ տարածաշրջանում:
Նրա խոսքերով` թալիբների հետ պայքարում պետք է ակտիվորեն մասնակցի նաև Պակիստանը, քանի որ այդ սպառնալիքը հնարավոր է հաղթահարել միայն համատեղ ուժերով:
Պիտակ
