ԱՄՆ-ում Ռուսաստանի ակտիվների մի մասը տեղափոխվել է Չինաստան
Ռուսաստանի Կենտրոնական բանկի ամենամյա զեկույցը ցույց է տալիս, որ այդ երկիրն իր ակտիվների մի մասն ԱՄՆ-ից տեղափոխել է Չինաստան:
Ռուսաստանի Կենտրոնական բանկը երկուշաբթի օրն իր ամենամյա զեկույցում հայտարարել է, որ ԱՄՆ-ում Ռուսաստանի ակտիվները նվազել են, իսկ Չինաստանում ու Ճապոնիայում Մոսկվայի ակտիվներն ավելացել են:
Ռուսաստանի Կենտրոնական բանկն անցած տարի ևս նվազեցրել էր իր ակտիվները, սակայն մյուս կողմից ավելացրել է իր ոսկու , եվրոյի ու չինական յուանի չափը: Ռուսաստանի այդ քայլն ուղղված է ԱՄՆ դոլարից կախվածությունը նվազեցնելուն:
Ոսկու համաշխարհային խորհուրդը մի քանի օր առաջ հայտարարել է.«Ռուսաստանը 2019 թ. առաջին եռամսյակում 55 տոննա և Չինաստանը 33 տոննա ոսկի գնելով աշխարհում զբաղեցնում են առաջին և երկրորդ տեղերը»:
Վերջին հինգ տարիների ընթացքում Միացյալ Նահանգներն ավելի քան 66 պատժամիջոցային փաթեթ է կիրառել Ռուսաստանի դեմ և այդ գործընթացը շարունակվում է:
