Պուտինն ընդգծում է միջազգային առևտրում դոլարի դերի վերանայման անհրաժեշտությունը
ԱՄՆ-ի կողմից միջազգային առևտուրում և ֆինանսական փոխանակումներում դոլարի գերակայության հետևանքով, բազմաթիվ երկրների ջանքեր են գործադրում՝ իրավիճակը փոխելու ուղղությամբ:
ՌԴ նախագահ Վլադիմիր Պուտինը, հունիսի 7-ին նշել է, որ ԱՄՆ կառավարությունը, դոլարն օգտագործում է որպես ճնշման գործիք և կոչ է արել վերանայել այդ արժույթի դերը:
Սանկտ Պետերբուրգի միջազգային համաժողովում Ռուսաստանի նախագահը ասել է.«ԱՄՆ փորձում է ընդլայնել իր գերիշխանությունն ամբողջ աշխարհում»:
Ավելի վաղ, Պուտինը հայտարարել էր, որ ԱՄՆ-ի կառավարության կողմից դոլարի փոխանակման վրա սահմանափակումներ կիրառելու քայլը սխալ է և դա կթուլացնի դոլարի արժեքը որպես պահուստային արտաժույթ:
Ռուսաստանի տնտեսական զարգացման նախարար Մաքսիմ Օրեշկինը, հայտարարելով, որ դոլարը աստիճանաբար աշխարհում կկորցնի իր դիրքը որպես հաշվարկային արժույթ, ասել է, որ Մոսկվան սկսել է դոլարից հրաժարվելու գործընթացը:
Ռուսաստանի և Չինաստանի նախագահներն անցած չորեքշաբթի օրը ԱՄՆ-ի պատժամիջոցների ազդեցությունը թուլացնելու նպատակով, առևտրում ԱՄՆ դոլարից հրաժարվելու մասին համաձայնագիր են ստորագրել: Ըստ Չինաստանի և Ռուսաստանի միջև կնքված համաձայնագրի՝ երկու երկրներն ամբողջությամբ հրաժարվելու են ԱՄՆ-ի դոլարի օգտագործումից և փոխադարձ առևտրի մեջ կիրառելու են Ռուսաստանի ռուբլին և Չինաստանի յուանը:
Հաշվի առնելով Չինաստանի դիրքը որպես աշխարհում երկրորդ խոշորագույն տնտեսական ուժ և Ռուսաստանի դիրքը՝ որպես ԱՄՆ-ի քաղաքական և ռազմական հիմնական մրցակից , այս որոշումը շատ կարևոր է: Երկու միջազգային ուժերը կողմ են միջազգային ասպարեզում բազմակողմանիության և դեմ են ԱՄՆ-ի միակողմանի քաղաքականությանը:
ՄԱԿ-ի Գլխավոր քարտուղար Անտոնիո Գուտերեշն անդրադառնալով Ռուսաստանի բազմակողմանի դերակատարությանն ասել է, որ «Միջազգային ասպարեզում Ռուսաստանը կարևոր դերակատար է և աջակցում է ՄԱԿ-ին»:
Միացյալ Նահանգները դոլարին կախված բանկերին և միջազգային ֆինանսական համակարգն օգտագործում է որպես լծակներ՝ ուրիշներին ստիպելու ենթարկվել իր պահանջներին:
Թրամփը ՀԳՀԾ-ից դուրս գալուց հետո նոր պատժամիջոցներ է սահմանել Իրանի դեմ: Թրամփի կառավարությունը մշտապես սպառնացել է այն ընկերություններին կամ ֆինանսական հաստատություններին ու և բանկերին, որոնք կփորձեն ֆինանսական և առևտրային հարաբերություններ ունենալ Իրանի հետ:
Միացյալ Նահանգները դոլարային և ֆինանսական փոխանակումների գործիքներով փորձում է ճնշում գործադրել այլ երկրների վրա:
ԱՄՆ-ի այս քաղաքականությունը հանգել է դոլարի կախվածության դեմ գլոբալ ալիքի առաջացման և դոլարի փոխարեն այլընտրանքային արժույթների օգտագործման:
Նման պայմաններում, աշխարհի տարբեր երկրներ որդեգրել են համաշխարհային առևտրում դոլարից հրաժարվելու քաղաքականություն:
