Ֆրանսիայի ժողովրդի երկու երրորդը դեմ է Մակրոնին
Սոցհարցման արդյունքները վկայում են այն մասին, որ Ֆրանսիայի ժողովրդի երկու երրորդը դժգոհ է այդ երկրի նախագահ՝ Էմանուել Մակրոնի գործելակերպից:
Ifop կենտրոնի կողմից անցկացված և Le Journal du Dimanche օրաթերթում հրապարակված սոցհարցման արդյունքները վկայում են այն մասին, որ հունիսին Մակրոնի ժողովրդականությունը 30 տոկոս է կազմել: Այդ թիվը վարչապետ Էդվարդ Ֆիլիպի օրոք 34 տոկոս է եղել:
Ֆրանսիայում 2018թ. նոյեմբերից սկսված Դեղին բաճկոնավորների հակակապիտալիստական ու հակապետական բողոքի ակցիաների հետևանքով խիստ նվազել է Մակրոնի ժողովրդականությունը:
2017թ. մայիսին, աշխատանքի ստեղծման, տնտեսական աճի խթանման և աշխատանքային օրենքների դյուրացման խոստումով Մակրոնը Ֆրանսիայի նախագահ է ընտրվել, սակայն այդ խոստումներն անկատար են մնացել և Ֆրանսիայում աճել է հանրային դժգոհությունը:
