Էներգետիկայի միջազգային գործակալությունն արձագանքել է Պարսից Ծոցում լարվածությունների սրման
Էներգետիկայի միջազգային գործակալությունը հայտարարել է, որ հետևում է Պարսից Ծոցի և Հորմոզի նեղուցի զարգացումներին և հարկ եղած դեպքում քայլեր կձեռնարկի:
Երկուշաբթի օրը տարածած հաղորդագրության մեջ, Էներգետիկայի միջազգային գործակալությունը հայտարարել է, որՀորմոզի նեղուցի ճանապարհով էներգիայի ազատ տեղափոխումը համաշխարհային տնտեսության համար կենսական նշանակություն ունի :
Էներգետիկայի միջազգային գործակալությունը հավաստիացրել է, որ Հորմոզի նեղուցում անմշակ նավթի ազատ փոխադրման շուրջ լարվածությունները շարունակվելու դեպքում, պետք է օգտվել արտակարգ պայմանների համար նախատեսված պահուստից, որպեսզի հնարավոր լինի ինչ-որ ժամանակ ապահովել շուկայի կարիքը:
Պարսից Ծոցում լարվածությունը սրվելու հետևանքով, նավթի համաշխարհային գներն աճում են: Երկուշաբթի օրը, Բրենթ տեսակի նավթի յուրաքանչյուր բարելի գինը աճել է մեկ դոլար 35 ցենտով և վաճառվել 63 դոլար 82 ցենտով:
Վերջին ամիսների ընթացքում, Իրանի դեմ ճնշումները սրելու նպատակով, ԱՄՆ-ը Պարսից Ծոցում մեծացրել է իր ռազմական ներկայությունը և իր դաշնակիցների, այդ թվում՝ Բրիտանիայի հետ միասին, սադրիչ քայլեր է ձեռնարկում:
