Ֆրանսիան քննադատել է Պարսից ծոցում ԱՄՆ-ի կողմից լարվածության սրումը
Ֆրանսիայի Պաշտպանության նախարարը, դատապարտելով Պարսից ծոցում ԱՄՆ-ի լարվածություն առաջացնող քաղաքականությունը, հայտարարել է, որ Փարիզը, Լոնդոնը և Բռլինը, համագործակցում են խաղաղության հաստատման ուղղությամբ:
Ֆլորենս Պարլին ասել է. «Փարիզը, Բեռլինը և Լոնդոնը մտադիր են փոխանակել Պարսից ծոցի անվտանգության վերաբերյալ տեղեկատվությունը՝ այս տարածաշրջանում նավարկության անվտանգությունն ապահովելու նպատակով, սակայն ռազմական տեխնիկա չեն գործուղի Պարսից ծոց»:
Հարկ է նշել, որ ավելի վաղ, Բեռլինը մերժել էր Իրանի դեմ առավելագույն ճնշման ԱՄՆ-ի քաղաքականությանը միանալու առաջարկը:
ԱՄՆ-ն վերջին ամիսներին ավելացրել է իր ռազմական ներկայությունը Պարսից ծոցում՝ Իրանի վրա ճնշում գործադրելու նպատակով և իր դաշնակիցների, այդ թվում՝ Բրիտանիայի հետ միասին, սադրիչ գործողություններ է իրականացնում այս տարածաշրջանում:
Իրանը հայտարարել է, որ տարածաշրջանի ապահովությունը պահպանելը Թեհրանի և հարևան երկրների պարտավորությունն է և ԻԻՀ թույլ չի տա, որպեսզի օտարեկրյա ուժերը անապահովություն տարածեն Պարսից ծոցում:
