Հարյուրավոր ընկերություններ, բրեքզիթի պատճառով, Բրիտանիայից տեղափոխվել են Նիդեռլանդներ
Բրեքզիթի վերաբերյալ հանրաքվելի անցկացումից հետո մինչ այժմ, 100 միջազգային ընկերություն, Բրիտանիայից տեղափոխվել է Նիդեռլանդներ, ևս 325-ը հայտարարել են, որ ունեն տեղափոխվելու նպատակ:
Ֆրանս Պրես լրատվական գործակալության հաղորդման համաձայն, Նիդեռլանդների արտաքին ներդրումների գործակալությունը հայտարարել է, որ բրիտանական ընկերությունները մեծ շահույթ են բերում այդ երկրին և Հյուսիսային Ամերիկայի, Ավստրալիայի ու Ասիայի ընկերությունները ուսումնասիրում են այդ հնարավորությունը:
Գործակալությունը հավելել է, որ Բրիտանիայում տիրող անորոշ վիճակը և առանց համաձայնության ԵՄ-ն լքելու հավանականությունը, խնդիրներ են առաջացրել վերոնշյալ ընկերությունների համար և այդ պատճառով, մեծ թվով կազմակերպություններ տեղափոխվել են Նիդեռլանդներ, այն դիտարկելով որպես եվրոպական շուկայի նոր բազա:
Չնայած ֆինանսական վնասներին, Բորիս Ջոնսոնը հայտարարել է, որ անհրաժեշտության դեպքում, հոկտեմբերի 31-ին Բրիտանիան կլքի ԵՄ-ն:
