ԱՄՆ-ն դեմ է ՀԳՀԾ-ի փրկելուն ուղղված Ֆրանսիայի նախագծին
Իրանի հարցով ԱՄՆ-ի հատուկ ներկայացուցիչն ասել է.«ԱՄՆ-ն չի պատրաստվում պատժամիջոցների հարցում բացառություն անել Ֆրանսիայի կողմից Իրանին առաջարկված 15 միլիարդ դոլարի վարկային գծի համար»:
Ինչպես հաղորդում է Ռոյթերս լրատվական գործակալությունը, Իրանի հարցով ԱՄՆ հատուկ ներկայացուցիչ Բրայան Հուկը լրագրողների հետ զրույցում հստակեցրել է.«Չորեքշաբթի օրն Իրանի դեմ նոր պատժամիջոցներ են սահմանվել և ավելին դեռ առջևում են»:
Իրանի հարցով ԱՄՆ-ի հատուկ ներկայացուցիչը հերթական անգամ ընդգծել է.«Միացյալ Նահանգները շարունակում է Իրանի դեմ առավելագույն ճնշում գործադրելու քաղաքականությունը և իր օրակարգում չի ներառել որևէ բացառություն»:
ԱՄՆ Գանձապետական դեպարտամենտի արտասահմանյան ակտիվների վերահսկման գրասենյակը չորեքշաբթի օրը հրապարակել է հաղորդագրություն, որի համաձայն ահաբեկչության հետ կապված պատժամիջոցների ցուցակում են հայտնվել Իրանի հետ կապեր պահպանող 9 աձանց, 16 կառույցների և 6 նավերի անունները»:
ԱՄՆ Գանձապետական դեպարտամենտն ավելի վաղ անգամներ պատժամիջոցներ է սահմանել մի քանի իրանցիների և իրանական ու արտասահմանյան ընկերությունների նկատմամբ:
