Ամերիկացիները բացասաբար են տրամադրված երկրի տնտեսության զարգացման հարցում
Վերջերս անցկացված սոցհարցումների արդյունքներից պարզվում է, որ առաջին անգամ Թրամփի կառավարության օրոք ԱՄՆ-ի ժողովրդի մեծ մասը բացասական կարծիք է հայտնել այդ երկրի տնտեսական իրավիճակի վերաբերյալ:
Քուինիպիակի համալսարանի վերջերս անցկացրած սոցհարցման արդյունքների համաձայն՝ 2016 թվականի նախագահական ընտրություններում Դոնալդ Թրամփի իշխանության գալուց հետո առաջին անգամ, այն ամերիկացիների թիվը, որոնք համոզված են, որ այդ երկրի տնտեսական իրավիճակն ավելի է վատացել, գերազանցում է նրանց թվին, ովքեր լավատեսություն են հայտնել այդ կապակցությամբ:
ԱՄՆ-ի ժողովրդի 37 տոկոսը համոզված է, որ այդ երկրի տնտեսությունն ավելի է վատանալու, իսկ 31 տոկոսի կարծիքով, բարելավելու է:
Սոցհարցումն անցկացվել է սույն թվականի հունիս ամսին: Հարցման մասնակիցների 41 տոկոսը կարծում է, որ Թրամփի քաղաքականություններից տուժում է ԱՄՆ-ի տնտեսությունը:
Այդ սոցհարցումն անցկացվել է Պեկինի հետ Վաշինգտոնի առևտրային պատերազմի սրման և ԱՄՆ-ում հավանական տնտեսական լճացման վերաբերյալ առկա մտավախությունների ֆոնին:
Վերջերս բազմաթիվ սոցհարցումներ են անցկացվել, որոնք ցույց են տալիս, որ Թրամփը վարկանշային առումով մեծ տարբերությամբ զիջում է իր դեմոկրատ մրցակիցներին:
