Ամերիկացի պատանիների մոտ դեպրեսիայի զգալի աճ է նկատվում

Ուսումնասիրությունների արդյունքում պարզվել է, որ ամերիկացի պատանիների մոտ դեպրեսիայի զգալի աճ է նկատվում:

Washington Free Beacon ամերիկյան կայքի հաղորդման համաձայն, 2018թ. խիստ դեպրեսիայով տառապել է ամերիկացի պատանիների շուրջ 15 տոկոսը, ինչը աննախադեպ է եղել մինչ օրս և   մտահոգության առիթ տալիս:

Հրապարակված տվյալների համաձայն, 18-25 տարեկան ամերիկացի երիտասարդների շուրջ 14 տոկոսի մոտ 2018թ. ընկճախտ է նկատվել: Այդ թիվը մինչև 2013թ. կազմել է շուրջ 8 տոկոս:

Wall street Journal օրաթերթը գրել է, որ ամերիկացի դեռահաս աղջիկների մոտ զգալիորեն աճել են դեպրեսիայի, մենության ու լարվածության զգացողությունը և ինքնասպանության փորձերը: