ԱՄՆ-ի դատարանում կոռուպցիոն գործ է հարուցվել Թրամփի դեմ
ԱՄՆ-ի վերաքննիչ դատարանը վերաբացել է Դոնալդ Թրամփի կոռուպցիոն գործը: Նա մեղադրվում է իր հյուրանոցներում պաշտոնական հյուրերի ընդունելության ժամանակ պաշտոնը չարաշահելու մեջ:
Ինչպես հաղորդում է «Ռոյթերս» լրատվական գործակալությունը, ԱՄՆ նախագահ Դոնալդ Թրամփը մեղադրվում է տնտեսական շահերի նպատակով օտարերկրյա պետական հյուրերին իր հյուրանոցներում տեղավորելու, ԱՄՆ-ի սահմանադրությունը խախտելու և նախագահի պաշտոնը չարաշահելու մեջ:
Նյու Յորքի վերաքննիչ դատարանում այդ գործը փակված էր հայտարարվել, քանի որ հայցվորները չէին կարողացել ապացուցել Թրամփի քայլերի պատճառած վնասները: Սակայն Դաշնային վերաքննիչ դատարանը սեպտեմբերի 13-ին վերաբացել է այն:
Թրամփն այդ գործով մեղադրվում է Սահմանադրության այն դրույթները խախտելու մեջ, որոնք արգելում են ԱՄՆ-ի նախագահին առանց Կոնգրեսի թույլտվության նվեր կամ գումար ստանալ օտարերկրյա կառավարություններից:
Որոշ ամերիկացի պաշտոնատարներ ու քաղաքական գործիչներ ,ինչու չէ նաև օտարերկրյա հյուրեր Թրամփին սիրաշահելու համար նախընտրում են ԱՄՆ այցելելիս մնալ Վաշինգտոնում ու Նյու Յորքում գտնվող նրա հյուրանոցներում:
