Չինաստանը միանում է Զենքի միջազգային պայմանագրին
Չինաստանի ԱԳ նախարարը տեղեկացրել է Զենքի միջազգային պայմանագրին միանալու Պեկինի որոշման մասին:
Ինչպես հաղորդում է Թասնիմ լրատվական գործակալությունը, Վանգ Յին ՄԱԿ-ի ԳԱ-ի 74-րդ նստաշրջանում ունեցած ելույթում հայտարարել է, որ Չինաստանը օրենքի շրջանակում քայլեր է ձեռնարկել Զենքի միջազգային պայմանագրին միանալու համար: Պեկինը կշարունակի իր դերակատարությունը զենքի վերահսկման գործում:
Չինաստանի ԱԳ նախարարը հստակեցրել է.«Այս պայմանագիրը վերաբերում է զենքի ապօրինի շրջանառության դեմ պայքարին»:
Չինաստանի արտաքին գործերի նախարարությունը նաև հայտարարություն է տարածել, որում Պեկինի ցանկությունն է հայտնել հնարավորինս շուտ միջազգային պայմանագրին միանալու համար: «Սա Չինաստանի համար շատ կարևոր քայլ է, որպեսզի ակտիվ մասնակցություն ունենա զենքի համաշխարհային առևտրի կառավարման գործում», ասված է հայտարարության մեջ:
ԱՄՆ նախագահ Դոնալդ Թրամփը 2019 թվականի ապրիլին հայտարարել է, որ իր երկիրը կվերանայի այդ պայմանագրի ստորագրումը:
