Ցույցեր Իսպանիայում՝ ի բողոք Կատալոնիայի անկախության կողմնակիցների ձերբակալությանը
Հազարավոր իսպանացիներ Կատալոնիայի անկախության յոթ կողմնակիցների ձերբակալության դեմ բողոքի երթ են անցկացրել:
Associated Press լրատվական գործակալության հաղորդման համաձայն, Իսպանիայի ոստիկանությունը հայտարարել է, որ 12 հազար բողոքարարներ համախմբվել են Բարսելոնայի կենտրոնում: Նրանց պաստառների վրա գրված է եղել «բռնությունը մեզ չի կանգնեցնելու»:
Կատալոնիայի անկախության կողմնակիցները հայտարարել են, որ այդ յոթ անձի ձերբակալությամբ, փորձ է արվել խաղաղ շարժումը ներկայացնել որպես հանցանք:
Անցած երկուշաբթի օրը, Կատալոնիայի անկախության յոթ կողմնակիցներ ձերբակալվել են ահաբեկչական մի կազմակերպության անդամակցելու, պայթուցիկ նյութեր արտադրելու և սադրիչ գործողություններ կազմակերպելու մեղադրանքով:
2017թ. հոկտեմբերին կայացել է Կատալոնիայի անկախության հանրաքվեն: Սակայն Իսպանիայի Սահմանադրական դատարանն այն ապօրինի է հայտարարել: Հանրաքվեի կազմակերպիչները կամ ձերբակալվել են կամ փախուստի դիմել:
