Լոնդոնում ձերբակալվել է 10 բնապահպան ակտիվիստ
Լոնդոնի ոստիկանությունը ձերբակալել է 10 բնապահպան ակտիվիստի՝ հասարակական կարգը խանգարելու մեղադրանքով:
ԻՌՆԱ-ի հաղորդման համաձայն, ձերբակալված ակտիվիստների թվում են յոթ կանայք և երեք տղամարդիկ, որոնք տեղափոխվել են Լոնդոնի հարավում գտնվող կալանավայր:
Ըստ Լոնդոնի ոստիկանության, ձերբակալվածներն անդամակցում են «Ապստամբության ընդդեմ կործանման» խմբին, որը նախատեսում էր ցույցեր կազմակերպել Լոնդոնի կենտրոնում գտնվող մի քանի շրջաններում, ներառյալ՝ կառավարության շենքերի դիմաց:
Խումբը հայտարարություն է տարածել, որում ասվում է, որ ոստիկանությունը բռնագրավել է իրենց պատկանող վրանները, շարժական զուգարանները, աղբարկղերը, սակայն իրենք շարունակելու են բողոքի ցույցերը:
Քաղաքացիներն ու բնապահպանները բողոքել են Փարիզի կլիմայական համաձայնագրից դուրս գալու ԱՄՆ նախագահ Դոնալդ Թրամփի որոշման և գլոբալ տաքացմանը նպաստող քայլերի դեմ:
