Գերմանիայի ծայրահեղականները սպառնացել են, որ ռումբ կտեղադրեն մզկիթներում
Այն բանից հետո, երբ ծայրահեղական աջերը սպառնացել են, որ ռումբ կտեղադրեն մզկիթներում: Գերմանիայի ոստիկանությունը այդ հարցով հետաքննություն է սկսել:
Ինչպես հաղորդում է թուրքական «Ենի Շաֆաք» թերթը, Գերմանիայի հարավային Բավարիա նահանգի իշխանությունները հայտարարել են, որ մինչ այժմ վեց կասկածյալների ձերբակալել են իսլամաֆոբիայի ֆոնին հաղորդագրություններ ուղարկելու և մզկիթներում ու մեդիա կառույցներում ռումբ տեղադրելու սպառնալիքների մեղադրանքով:
Բավարիա նահանգի իշխանությունների խոսքով՝ կասկածյալները հետաքննություններից հետո ազատ են արձակվել,սակայն շարունակում են մնալ ոստիկանության վերահսկողության տակ:
Բավարիա նահանգի իշխանությունները հայտարարել են, որ սպառնալիքների նպատակը ժողովրդին վախեցնելն ու հասարակական կարգը վտանգելն է:
Եվրոպական երկրներում, այդ թվում Գերմանիայում, վերջին ամիսների ընթացքում զգալիորեն աճել են հակաիսլամական գործողությունները:
