Լոնդոնի կոնֆերանսի մասնակիցները կոչ են արել լուծարել ՆԱՏՕ-ն
Մի խումբ հակապատերազմ և միջուկային զինաթափման ակտիվիստներ, Լոնդոնում կայանալիք ՆԱՏՕ-ի ամենամյա գագաթաժողովի նախօրեին կայացած «Համաշխարհային նորագույն անկանոնություն» խորագրով նիստում, պահանջել են լուծարել Հյուսիսատլանտյան դաշինքը:
ԻՌՆԱ-ի շաբաթ օրը կատարած հաղորդման համաձայն, նիստի մասնակիցները ՆԱՏՕ-ն անվանել են ռազմականացված ու ռասիստական կազմակերպություն:
Նիստի մասնակիցները Բրիտանիայի պահպանողական կուսակցությանը մեղադրել են իսլամաֆոբիայի մեջ:
Համաժողովի ավարտին մասնակիցները շեշտել են պատերազմի դեմ և ՆԱՏՕ-ն լուծարելուն ուղղված ջանքերը շարունակելու անհրաժեշտությունը:
Հակապատերազմ ակտիվիստները նախատեսել են երեքշաբթի օրը երթ անցկացնել, ի նշան բողոքի՝ ԱՄՆ նախագահ Դոնալդ Թրամփի Լոնդոն կատարելիք այցի դեմ:
ՆԱՏՕ-ի ամենամյա գագաթնաժողովը տեղի կունենա Լոնդոնում՝ դեկտեմբերի 3-4-ին:
