Ռուսաստանը, Գերմանիան, Բրիտանիան ու Ֆրանսիան կարևորում են ՀԳՀԾ-ի պահպանումը
Ռուսաստանի, Ֆրանսիայի, Գերմանիայի և Բրիտանիայի ներկայացուցիչները Մոսկվայում բանակցություններ են վարել ՀԳՀԾ-ի վերաբերյալ:
ԻՌՆԱ լրատվական գործակալության հաղորդման համաձայն, հանդիպմանը մասնակցել են ՌԴ արտաքին գործերի նախարարի տեղակալ՝ Սերգեյ Ռյաբկովը, Ֆրանսիայի,Գերմանիայի և Բրիտանիայի արտաքին գործերի նախարարության քաղաքական հարցերով գլխավոր տնօրենները:
Նրանք կարևորել են ՀԳՀԾ-ի միջուկային համաձայնության պահպանման համար ուղիներ գտնելը:
Ռուսական կողմը կողմերին կոչ է արել ինքնազսպվածություն դրսևորել ՀԳՀԾ-ի իրագործումը դժվարացնող քայլերի նկատմամբ:
Ռուսաստանը, Գերմանիան, Բրիտանիան ու Ֆրանսիան այն պայմաններում են կարևորում միջուկային համաձայնության պահպանումը, երբ եվրոպական եռյակը ՀԳՀԾ-ից ԱՄՆ-ի դուրս գալուց հետո, ոչ մի գործնական ու ազդեցիկ քայլ չի ձեռնարկել ՀԳՀԾ-ի շրջանակում Իրանի շահերի ապահովման ուղղությամբ:
