Թրամփը ստորագրել է Ռուսաստանի և Իրանի դեմ պատժամիջոցների մասին օրինագիծը

Սպիտակ տունը հայտարարել է, որ Դոնալդ Թրամփը ստորագրել և օրենքի ուժ է տվել «Ռուսաստանի և Իրանի դեմ պատժամիջոցների մասին՝ Լինդսի Օ. Գրեհեմի 2026 թվականի օրենք» օրինագծին։

Ինչպես հայտնում է Pars Today-ը՝ վկայակոչելով IRIB-ը, Սպիտակ տունն ուրբաթ օրը հայտարարել է, որ նախագահը 2026 թվականի սեպտեմբերի 18-ին «Ռուսաստանի և Իրանի դեմ պատժամիջոցների մասին՝ Լինդսի Օ. Գրեհեմի 2026 թվականի օրենք» օրինագիծը վերածել է օրենքի։

 «Հ. Ռ. 5334» օրինագիծը, որը հայտնի է որպես «Լինդսի Օ. Գրեհեմի օրենք», նախատեսում է 2026 թվականին Ռուսաստանի և Իրանի դեմ պատժամիջոցների սահմանում։ Այն թույլատրում և ընդլայնում է Ռուսաստանի դեմ պատժամիջոցների, մաքսատուրքերի և արգելքների կիրառումն ու ընդլայնումը, ինչպես նաև երկարաձգում է Իրանի դեմ գործող պատժամիջոցները։

ԱՄՆ Կոնգրեսի Ներկայացուցիչների պալատը  չորեքշաբթի օրն ընդունել էր Ռուսաստանի և Իրանի դեմ լայնածավալ պատժամիջոցների մասին օրինագիծը և այն ուղարկել ԱՄՆ նախագահ Դոնալդ Թրամփին։

 Ներկայացուցիչների պալատն օրինագիծն ընդունել է 262 կողմ և 159 դեմ ձայներով։

Associated Press-ը հայտնել է, որ օրինագիծը, Թրամփի՝ Սպիտակ տուն վերադառնալուց հետո, համարվում է Ուկրաինային աջակցելու ուղղությամբ նրա վարչակազմի ամենահավակնոտ քայլը և այս հարցում մոտ երկու տարի տևած հարաբերական փակուղուն վերջ է դնում՝ 2024 թվականի արտակարգ օգնության փաթեթից հետո։

Օրենքն ուղղված է Ռուսաստանի էներգետիկ և պաշտպանական ոլորտների, ինչպես նաև  «ստվերային նավատորմի» դեմ։

Այն նաև ընդլայնում է Իրանի նկատմամբ կիրառվող պատժամիջոցները։