Ահմեդ Դավութօղլուն պաշտոնական այցով կմեկնի Սաուդյան Արաբիա

Թուրքիայի վարչապետ Ահմեդ Դավութօղլուն այս շաբաթ պատրաստվում է եռօրյա պաշտոնական այցով մեկնել Սաուդյան Արաբիա:

Hurriyet Daily News-ի փոխանցմամբ` այցի նպատակը Սիրիայի 5-ամյա պատերազմին վերջ դնելու հարցի շուրջ բանակցությունն է:

Վարչապետի գրասենյակից հայտնել են, որ այցի ընթացքում, որը մեկնարկում է հունվարի 29-ին, Դավութօղլուն հանդիպումներ կունենա ինչպես մայրաքաղաք Էր-Ռիադում, այնպես էլ Ջեդայում:

Նշվում է, որ Դավութօղլուն կքննարկի երկու երկրների միջև երկկողմ հարաբերություններին և տարածաշրջանային խնդիրներին վերաբերող հարցեր: Ակնկալվում է, որ թուրք վարչապետը կայցելի նաև Մեքքա: