ԱՄՆ-ն սպառնում է Բրիտանիային Չինաստանի հետ առևտրային համաձայնության հարցով
ԱՄՆ փոխնախագահը Բրիտանիայի կառավարությանն զգուշացրել է, որ Huawei չինական ընկերության հետ համաձայնությունը կարող է վտանգի տակ դնել Լոնդոնի ու Վաշինգտոնի միջև առևտրային համաձայնությունը:
Independent, թերթի փոխանցմամբ՝ ԱՄՆ փոխնախագահ Մայք Փենսն ասել է.«ԱՄՆ նախագահ Դոնալդ Թրամփին և պետքարտուղար Մայք Պոմպեոյին հուսահատեցրել է Huawei չինական ընկերությանը մասնաբաժին տրամադրելու կապակցությամբ Բրիտանիայի որոշումը»:
Պատասխանելով այն հարցին, թե արդյոք բրիտանացիների ու չինացիների միջև պայմանագիրը կհանգեցնեի Լոնդոն-Վաշինգտոն առևտրային պայմանագրի չեղարկման, Փենս ընդգծել է.«Անշուշտ այդպես կլինի»:
ԱՄՆ-ն պնդում է, որ Չինաստանի կառավարությունն այդ ընկերությունն օգտագործում է այլ երկրներում լրտեսություն իրականացնելու համար, սակայն աշխարհում հեռահաղորդակցային սարքավորումների ամենախոշոր արտադրող Huawei ընկերությունը բազմիցս հերքել է այդ պնդումները:
