Պեկինն արձագանքել է կորոնավիրուսի տարածման վերաբերյալ ԱՄՆ-ի մեղադրանքներին
Չինաստանի ԱԳՆ խոսնակը հակադարձել է ՀԴԲ-ի այն հայտարարությանը, թե չինացի հաքերները փորձել են գողանալ կորոնավիրուսի վերաբերյալ ամերիկացի մասնագետների հետազոտությունների արդյունքները:
Զաո Լիջիանը հայտարարել է. «Համացանցում կորոնավիրուսի դեմ պայքարի ջանքերին խոչընդոտելուն ուղղված յուրաքանչյուր քայլ դատապարտելի է»:
Չորեշքաբթի օրը, ՀԴԲ-ն և ԱՄՆ ներքին անվտանգության նախարարությունը տարածել են համատեղ հայտարարություն, որում նշվել է, որ չինացի հաքերները փորձել են գողանալ կորոնավիրուսի պատվաստանյութի և վիրուսը բուժելու համար նախատեսված դեղամիջոցների վերաբերյալ ամերիկացի մասնագետների հետազոտությունների արդյունքները:
Դոնալդ Թրամփը Չինաստանին մեղադրում է կորոնավիրուսի տարածման մեջ, հայտարարելով որ վիրուսը տարածվել է Վուհան քաղաքում գործող գաղտնի լաբորատորիայից: Պեկինը հերքում է իր դեմ ուղղված բոլոր մեղադրանքները:
