Ռուս դիվանագետը ՀԳՀԾ-ի վերաբերյալ երկու առաջարկ է արել ԱՄՆ-ին
Ռուս դիվանագետն ԱՄՆ կառավարությանը խորհուրդ է տվել նախ որոշել ՄԱԿ-ի Անվտանգության խորհրդում իր կարգավիճակը, այնուհետև ավելի ուշադիր կարդալ Իրանի միջուկային համաձայնագիրը:
Այսօր կեսօրին, Վիեննայի միջազգային կազմակերպություններում ՌԴ ներկայացուցիչ Միխայիլ Ուլյանովն իր թվիթերյան էջում հերթական անգամ կտրուկ քննադատել է ԱՄՆ-ին՝ Իրանի զենքի էմբարգոն երկրաձգելուն ուղղված քայլերի համար:
Ուլյանովը գրել է. «Միացյալ Նահանգները սխալմամբ կարծում է, որ Անվտանգության խորհրդի 2231 բանաձևի 10-րդ և 11-րդ կետերը Վաշինգտոնին թույլ են տալիս վերականգնել ՄԱԿ-ի հակաիրանական պատժամիջոցները: Սակայն դա հնարավոր է միայն ՀԳՀԾ-ով սահմանված կարգով»:
Իրանի, Ռուսաստանի և Չինաստանի պաշտոնյաները հայտարարել են, որ Միացյալ Նահանգները իրավունք չունի հղում անել ՀԳՀԾ-ին, քանի որ դուրս գալով Իրանի միջուկային համաձայնագրից, խախտել է ԱԽ 2231 բանաձևը:
