Չինաստանը դեմ է ՀԳՀԾ-ի պատժամիջոցների բացառությունները վերացնելու ԱՄՆ-ի որոշմանը
Չինաստանի ԱԳՆ խոսնակը դեմ է արտահայտվել Միացյալ Նահանգների կողմից ՀԳՀԾ-ի միջուկային պատժամիջոցներից բացառությունների վերացման որոշմանը:
Ուրբաթ օրը, կայացած մամուլի ասուլիսում, Ժաո Լի Ժիանը հայտարարել է, որ Պեկինը դեմ է ԱՄՆ-ի կողմից ՀԳՀԾ-ի միջուկային պատժամիջոցներից բացառությունները վերացնելու որոշմանը, ինչը վկայում է ԱՄՆ-ի հեգեմոնիայի մասին:
Չինաստանի ԱԳՆ խոսնակը հավելել է, որ Միացյալ Նահանգները ճնշում է գործադրում Իրանի դեմ, միակողմանիորեն դուրս է եկել ՀԳՀԾ-ից և խախտելով ՄԱԿ-ի ԱԽ-ի բանաձևերը, խոչընդոտում է ՀԳՀԾ-ի իրականացումը:
Հինգշաբթի օրը, ԱՄՆ պետքարտուղար Մայք Պոմպեոն, թվիթերյան գրառմամբ տեղեկացրել է, որ պատժամիջոցներ են սահմանվել նախկինում պատժամիջոցներից ազատված և Իրանի հետ միջուկային խաղաղ ծրագրում համագործակցող երկու նախագծերի նկատմամբ: Մեկ այլ գրառման մեջ, նա հավելել է, որ պատժամիջոցների են ենթարկվել նաև միջուկային ոլորտի երկու իրանցի գիտնականներ:
