ԱՄՆ-ի տասնյակ քաղաքներում շարունակվում են հակառասիստական ցույցերը
ԱՄՆ-ի տասնյակ քաղաքներում շարունակվում են հակառասիստական ցույցերը:
ԻՌՆԱ լրատվական գործակալության հաղորդման համաձայն, շաբաթ օրը Վաշինգտոնի, Չիկագոյի, Ֆիլադելֆիայի, Նյու Յորքի և ավելի քան 140 այլ քաղաքների տասնյակ հազարավոր ամերիկացի ցուցարարներ, չնայած շոգին ու կորոնավիրուսի տարածման վտանգին, խաղաղ երթ են անցկացրել: Նրանք վանկարկել են «Սևամորթների կյանքը կարևոր է» և «Չեմ կարող շնչել»:
Հյուսիսային Կարոլինա նահանգում, որտեղ ծնվել է վերջերս սպանված Ջորջ Ֆլոյդը, հազարավոր ամերիկացիներ մասնակցել են բողոքի ակցիային:
Վաշինգտոնի քաղաքապետ Մուրիել Բոզերը, ով ընդդիմացել է բողոքարարների նկատմամբ բռնություն կիրառելու նախագահ Դոնալդ Թրամփի հայտարարությանը և նրա հետ բանավեճ է ունեցել, նույնպես միացել է ցուցարարներին:
Ամերիկյան տարբեր քաղաքներում, մասնավորապես Մինեսոտա նահանգի Մինեապոլիսում, վերջին օրերին տեղի են ունենում լայնածավալ բողոքի ցույցեր՝ ոստիկանության ռասիստական գործողությունների դեմ:
Հիշեցնենք՝ ամերիկացի սպիտակամորթ սպան մայիսի 25-ին սպանել էր սևամորթ Ջորջ Ֆլոյդին:
Սպանությունից հետո, երկրում ծայր առան լայնածավալ բողոքի ցույցեր: Սակայն ոստիկանությունը, նախագահ Թրամփի հրամանով, ճնշում է ցույցերը:
