Ռուսաստան. Իրանի շուրջ առաջացած ճգնաժամի պատասխանատուն ԱՄՆ-ն է
ՄԱԿ-ում ՌԴ մշտական ներկայացուցիչ Վասիլի Նեբենզիան, ԱՄՆ-ին մեղադրել է Իրանի հետ միջուկային պայմանագրի շուրջ ճգնաժամային իրավիճակ ստեղծելու մեջ: Նա հավելել է. «ԱՄՆ-ը այս իրավիճակը ստեղծել է Իրանի նկատմամբ առավելագույն ճնշման քաղաքականության գործադրմամբ»:
2231 բանաձևի գործադրման մասին ՄԱԿ-ի գլխավոր քարտուղարի վերջին զեկույցի քննարկման նպատակով կայացած ՄԱԿ-ի ԱԽ նիստում, Վասիլի Նեբենզիան հայտարարել է, որ Իրանի զենքի էմբարգոն երկարաձգելու վերաբերյալ ԱՄՆ-ի բանաձևը հիմնված է այդ երկրի երևակայությունների վրա: Նա հավելել է. «Միակողմանի պատժամիջոցների կիրառման ժամանակ, ԱՄՆ-ը ուշադրություն չդարձրեց մյուս երկրների կարծիքներին և հիմա Մոսկվան մտահոգված է Իրանի շուրջ ծավալվող իրադարձությունների և Թեհրանի դեմ ուղղված ԱՄՆ-ի գործողությունների կապակցությամբ»:
Նշելով, որ ԱՄՆ-ի քայլերը Թեհրանի մոտ ցանկություն չեն թողել լիարժեք գործադրել ՀԳՀԾ-ով ստանձնած իր պարտավորությունները, Նեբենզիան հավելել է. «Այնուամենայնիվ, Իրանը կատարել է իր պարտավորությունները, իսկ ԱՄՆ-ը, հակառակ ՄԱԿ-ի կանոնադրության, շարունակում է սպառնալ Իրանին»:
Հունիսի 30-ին, տեղի ունեցավ 2231 բանաձևի գործադրման վերաբերյալ ՄԱԿ-ի գլխավոր քարտուղարի զեկույցի քննարկմանը նվիրված ՄԱԿ-ի ԱԽ առցանց նիստը:
