Բոլթոն. Թրամփը նախանձում է Պուտինին
Սպիտակ տան ազգային անվտանգության նախկին խորհրդականը, Թրամփին մեղադրելով խնդիրների լուծման գործում անարդյունավետ լինելու մեջ, բացահայտել է որ ԱՄՆ նախագահը նախանձում է աշխարհի առաջնորդներին:
Ուրբաթ օրը, Deutsche Welle- ին տված հարցազրույցում, Ջոն Բոլթոնն, անդրադառնալով ԱՄՆ նախագահ Դոնալդ Թրամփի հոգեբանական թուլություններին, ասել է.«Նա շատ է նախանձում այնպիսի առաջնորդների, ինչպիսիք են Չինաստանի և Ռուսաստանի նախագահներ Սի Ցզինպինը և Վլադիմիր Պուտինը»:
Բոլթոնն ընդգծել է, որ չնայած Թրամփի և նրա մերձավորների պնդումներին, ԱՄՆ-ի նախագահն անտեղյակ է ԱՄՆ-ի անվտանգության հարցերից և հրաժարվում է կարդալ անվտանգության փաստաթղթերն ու զեկույցները:
Սպիտակ տան ազգային անվտանգության նախկին խորհրդականն ասել է. «Թրամփը խիստ թերահավատորեն է վերաբերվում իր գործընկերներին և չի կարողանում Սպիտակ տանը ստեղծել համագործակցության մթնոլորտ»:
